41st School Founding Day Celebration

---

---

41st School Founding Day Celebration.སེར་བྱེས་སློབ་གྲྭ་དབུ་བརྙེས་ཏེ་ལོ་ངོ་༤༡ འཁོར་བའི་དུས་ཆེན་ལ་འཚམ་འདྲི་ཞུ།

༄༅། །དེ་རིང་ཕྱི་ལོ་ ༢༠༢༤ ཟླ་ ༠༦ ཚེས་ ༠༡ འདི་བཞིན་རྒྱལ་སྤྱིའི་བྱིས་པའི་ཉིན་མོ་དང་། སེར་བྱེས་སློབ་གྲྭ་དབུ་བརྙེས་ནས་ལོ་ངོ་ ༤༡ འཁོར་བའི་དུས་ཆེན་ཉིས་འཛོམས་ལ་བརྟེན། དུས་ཆེན་སྲུང་བརྩིའི་སླད་འདི་ག་སློབ་གྲྭའི་ངོས་ནས་སྔ་དྲོ་ཆུ་ཚོད་ ༨:༤༥ ཐོག་དགེ་སློབ་ལས་བྱེད་དང་བཅས་པ་སློབ་གྲྭའི་ཚོགས་ཁང་ཆེན་མོར་མཉམ་འཛོམས་ཐོག་སེར་བྱེས་མཁས་སྙན་གྲྭ་ཚང་གི་ཁྲིམས་བདག་དགེ་སྐོས་མཆོག་སྐུ་མགྲོན་གཙོ་བོར་གདན་དྲངས་ཏེ་ཐོག་མར་གང་བློ་མ་དང་འཕགས་བོད་རྒྱལ་གླུ་དབྱངས་སུ་གྱེར། 

  ཆུ་ཚོད་༩:༠༠ ཐོག་སློབ་སྤྱི་སྤེན་པ་བཟང་པོ་ལགས་ནས་གུས་བསུའི་གསུང་བཤད་དང་སློབ་གྲྭའི་བྱུང་བ་ངོ་སྤྲོད་མཛད། 

   དེ་རྗེས་སློབ་གྲྭའི་ཁམས་ཚན་བཞིའི་དབར་མཚན་ཉིད་རྩོད་འགྲན་དང་དྲི་འགོད་མཛད་རིམ་འགོ་འཛུགས་ཞུས། 

  དེ་རྗེས་བོད་དབྱིན་སྐད་གཉིས་ནང་བྲིས་པའི་སློབ་མའི་རྩོམ་དེབ་བློ་འཕེལ་སྙན་རྩོམ་དབུ་འབྱེད་འགྲེམ་སྤེལ་དང་རྩོམ་ཡིག་ཕུལ་བྱུང་རྣམས་ལ་བྱ་དགའ་བསྩལ། 

    དེ་རྗེས་སློབ་གྲྭའི་ཁམས་ཚན་བཞིའི་དབར་མཚན་ཉིད་རྩོད་འགྲན་དང་དྲི་འགོད་ཀྱི་ཨང་རིམ་གསལ་བསྒྲགས་དང་བྱ་དགའ་སྩལ་གནང་མཛད། 

    དེ་རྗེས་ཕྱི་ལོ་ ༢༠༢༢ དང་ ༢༠༢༣ ལོའི་ཤེས་རིག་ཕུལ་བྱུང་འབྲི་རྩོམ་དང་ཡིག་གཟུགས་ཕུལ་བྱུང་གི་བྱ་དགའ་གསོལ་བསྩལ་གནང་། 

 དེ་རྗེས་ཞབས་ལོ་ཧྲིལ་པོ་བཅུ་ལོན་པའི་རྒན་ལགས་རྣམ་པར་ཕྱག་ཁྱེར་དང་ལེགས་གསོལ་ཕུལ། 

   དེ་རྗེས་ཕྱི་ལོ་ ༢༠༢༤ ལོའི་རྒྱ་གར་རྒྱལ་ཡོངས་འཛིན་རིམ་བཅུ་པའི་ཡིག་རྒྱུགས་ཁྲོད་ཨང་རིམ་མཐོན་པོར་སོན་པའི་སློབ་ཕྲུག་བཞི་དང་བོད་ཡིག་བརྒྱ་ཆ་དགུ་བཅུ་གོ་བདུན་ལེན་མཁན་སློབ་ཕྲུག་གཅིག་ལ་བྱ་དགའ་བསྩལ། 

  དེ་རྗེས་སེར་བྱེས་མཁས་སྙན་གྲྭ་ཚང་གི་ཁྲིམས་བདག་ཆེན་མོ་མཆོག་ནས་དགེ་སློབ་ཡོངས་ལ་བླང་དོར་ལམ་སྟོན་བཀའ་སློབ་བསྩལ། 

  མཇུག་ཏུ་དགེ་ཆེ་ཚངས་བུ་མཆོག་ནས་ཐུགས་རྗེ་ཆེ་ཞུའི་གསུང་བཤད་གནང་སྟེ་མཛད་སྒོ་རྒྱལ་ཁའི་ངང་གྲོལ། 

     ཆུ་ཚོད་༡༢:༠༠  ཐོག་སློབ་གཞུང་ནས་སྐུ་མགྲོན་གྱིས་གཙོས་དགེ་སློབ་ཡོངས་ལ་ཉིན་གུང་གསོལ་སྟོན་གྲ་རྒྱས་བཤམས་པ་བཅས་ཀྱི་གནས་ཚུལ་དུ། 

སེར་བྱེས་འབྲིང་རིམ་སློབ་གྲྭའི་འགན་འཛིན་ལས་ཁུངས་ནས་ཕྱི་ལོ་ ༢༠༢༤ ཟླ་ ༠༦ ཚེས་ ༠༡ ཉིན་སྤེལ། །

Today, the 41st school founding day was celebrated at school. The chief guest of the Program was our Most Respected Disciplinarian of the monastery along with Chant master of the Monastery graced the occasion. All our teachers and staff members also attended the function. The students were all filled with great enthusiasm and actively participated in the activity during the function. Our principal gave the introductory speech followed by the inter house competition. The program was followed by "Dialectic Quiz Contest" between the four houses. The topper in the class X all India Board Examination was felicitated with award. Other meritorious students who have performed well were given prizes by the school administration during the school function. Our Chief Guest Disciplinarian gave a valuable speech advising the students to study hard.  Our school headmaster gave the vote of thanks and the function concluded with a distribution of a special meal to the students of the school.